Ababadde abajaasi ba UPDF 110 beebasiibuddwa okuva mu magye mu nkambi ya First Division esangibwa e Kakiri mu Disitulikiti y’e Wakiso akawungeezi akayise.
Abajaasi bano era basiibuddwa n’omulanga nti bwebatuuka mu Bantu ba bulijjo baleme kubafuula kitagasa wabula bakolagane nabo mu ngeri eyaamu, era baleme kubabba oba okubayisa mu ngeri etali nnungi.
Brig. General Sam Kawagga ng’asiibula abajaasi bano yabakubirizza nti byonna byebayize bibayambe era n’abakuutira okukwata obulungi ebyo byonna byebafunye naddala ensimbi zibayambe okukola bizinensi.