Bammemba ba Crane Performers 8 bakwatiddwa lwakuweerekereza Pulezidenti Yoweri Kaguta Museveni bigambo bimunyomoola ku mukolo gwa Mbabazi gweyategese ngajaguza emyaka 50 mu bufumbo.
Kigambibwa nti Pulezidenti bweyatandise okwogera ku ssaawa nga ttaano ezekiro bano balekaanye mu Runyakole nti; “Rutabandana Waturusya Rugahamuzindaro” ekivvuunulwa nti; “Oyogedde nnyo, tukooye, vva ku muzindaalo.”
Lt Tonny Komakech, ow’eggye erikuuma Pulezidenti erya Special Forces Command (SFC) agamba nti yalabye aba Crane Performers nga bavuma Pulezidenti.
Abebyokwerinda babakwatiddewo ne Ddayirekita waabwe Gordon Kayovu. Abalala kuliko; Edward Tugume, 37, David Muvunyi, 47, Walter Oleng, 38, Simon Bebwa, 27, Paul Ruduli, ne Tonny Okello. Nga bakuumirwa ku CPS mu Kampala.
Story Credit; The Observer