Ab’enganda z’abantu abafiira ku nnyonyi ya Ehtiopian Airlines ET 302 Boeing 737 Max 8 jetliner baatandise okudda okwabobwe oluvannyuma lwabakungu mu ggwanga lya Ehtiopia okugenda nabo mu kafubo. Kigambibwa nti ab’enganda z’abantu bonna abafiira ku nnyonyi eno bakuliyirirwa wakati w’obukadde 630 no 920 buli muntu wabula nga zino zijja kusinziira ku myaka, omulimu wamu n’ekifo kyabaalimu ku mirimu egyo nga bakyali balamu era nga kyakukolebwa mu myezi 18.
Wabula ensimbi zino zandisigawo singa okunoonyereza ku ki ekyaviirako ennyonyi eno okuggwa kizuulwa naddala singa kiba nti ennyonyi eno kyava kukubeera nti teyali mubeera nnungi oba ensobi mu nkola yaayo.
Kigambibwa nti okuliyirirwa kuno kwa kwesigamizibwa ku mitendera gy’ensi yonna egiyitwamu okuliyirirwa abo ababa balina abantu baabwe abafiiridde ku nnyonyi eyitibwa ‘Montreal Convention’.
Mr Kariuki Munyi, nga ono yafiirwa muwala eyali ku nnyonyi yategeezezza nti enkola eno eya ‘Montreal Convention’ ekola singa omusaabaze alumizibwa oba nafiira ku nnyonyi ngakivudde ku kintu kyonna ekiba kigiviiriddeko okufuna akabenje tekivudde kumusaabaze.
abafiirwa abantu baabwe mu nnyonyi bandiriyirirwa
