Abadde Minisita w’eby’enjigiriza nga kati yalondeddwa okubeera omumyuka wa Katikkiro asooka era Minisita wa ICT, Dr. Twaha Kigongo Kaawaase, yawaddeyo woofiisi eri Minisita eyamudidde mu bigere, Dr Prosperous Nankindu Kavuma. Mu kwogera kwe, Owek Kaawaase yagambye nti ekizibu ekiriwo mu ggwanga y’enkyuukakyuuka y’eby’enjigiriza nga amasomero mangi gatambulira ku nkola ya kuyisa buyisa baana bigezo mu kifo ky’okubayigiriza ekyo kyebalina okukola. (Bangi bayita mu ssomero naye nga essomero teribayiseemu). Ye Owek Nankindu yasabye abakulira ebitongole eby’enjawulo mu minisitule eno okubeera obumu kibasobozese okutuuka ku buwanguzi obw’awamu.
abadde minisita w’ebyenjigiriza e mengo awaddeyo ofiisi
