Abatuuze bo kukyalo Mayirye mu ggombolola y'e Kakindu e mu Disitulikiti y'e Mityana bakeeredde mu ntiisa abantu abatannategeerekeka bwebakkakkanye ku muwala ow'emyaka 18 ne bamutta ngono abadde muzito.
Omugenzi ategeerekese nga Nandagala Velisto omulambo gwe gusangiddwa nga gugangalamye mu kitaba ky'omusaayi enkya ya leero.
Kigambibwa nti Nandagala olwamaze okulya eky'eggulo mu maka ga bakadde be n'abasiibula okudda mu nyumba mw'abadde asula eri okumpi n'abakadde nga muno oluvannyuma mweyavudde n'afuluma ebweru okunaaba wabula teyakomyewo okutuusa lwe bamusanze nga z'embuyaga ezikaza engoye.
Omwogezi wa Police mu bituntu bya Wamala, Norbert Ochom akakasizza ettemu lino era n'ategeeza nti Police amaze okugombamu obwala omusajja agambibwa okubeera muganzi w'omuwala ono oluvannyuma lw'okusangibwa nga ezimu ku ngoye ze zivulubanye omusaayi.