Abadde asinga obukadde ku kyalo yeetugidde mu Kisenge kye – Nakisunga

Entiisa ebuutikidde abatuuze ku kyalo Naluvule nga kino kisangibwa mu ggombolola y'e Nakisunga mu Disitulikiti Mukono oluvannyuma lw'okugwa ku namukadde Vincent Ngabo abadde  asinga obukulu ku kyalo ng'atemeza mu gy'obukulu 90 nga alengejjera ku muguwa mu kisenge kye.

Ono azuuliddwa mutabani we abadde amujjanjaba oluvannyuma lw'okulumbibwa ekirwadde kya Aniya ekirudde nga kimubala embiriizi ategeerekese nga Sande Kalema okumala okumusiimuula eddagala ekiro wabula bwebukedde okugenda okukebera omulwadde bweyasuze nga mufu wa jjo bw'atyo n'alaya enduulu esombodde ab'ewala n'okumpi okudduukirira.

Ye ssentebe w'e kyalo kino Doroth Nnabbanja alaze obw'ennyamivu olw'ekikangabwa ekigudde mu kitundu kye era wano w'asinzidde n'asaba abantu bonna obutasirikiranga bizibu wabula babigabane nga ne bannaabwe babasalire ku magezi.

Wabula Poliisi okuva e Sseeta Nazigo eyitiddwa okujja okwekebejja omugenzi  okuzuula kiki ekyamuviiriddeko okwejja mu bulamu bw'ensi.