Ababaka mu Palamenti abatawagira kya kwongezaayo myaka gya kisanja kya Pulezidenti balabudde abakiise ku nkiiko za zi Disitulikiti mu ggwanga okwewala okwekkiriranya ku nsonga y'akalulu k'ekikungo Gavumenti keetegeka .
Mbwatekamwa Gaffa Louis omubaka wa Kasambya mu Palamenti ategeezezza nti bagudde mu lukwe lwa Gavumenti olw'okuyisa akalulu k'ekikungo (referendum) mu nkiiko za Disitulikiti oluvannyuma lw'okukizuula nti aka bonna tebaggya kukawangula.
Mbwatekamwa wano w'asinzidde n'alabula abakiise bonna ku nkiiko za Disitulikiti obutakemebwa kusuula Yuganda mu ntata, olw'obusente obugenda okubaweebwa.