Ababaka abakozesa abasirikale ababakuuma okutulugunya ababavuganya balabuddwa

Omwogezi w’eggye lya Yuganda (UPDF Spokesperson) erya Uganda Peoples’ Defence Forces – UPDF Brig. Gen. Flavia Byekwaso avuddeyo nategeeza nti bakitegeddeko nga bwewaliwo ababaka ba Palamenti abaweebwa abakuumi abasirikale ba Millitary okubakuuma mu kadde webaali batandise okubalumba mu 2019 wabula batandise okubakozesa mu bukyaamu mu kaseera kano akokunoonya obululu.

Kino kikontana n’ensonga lwaki babaweebwa nga kyadireetawo okulwanagana wakati wabesimbyeewo.

N’olwensonga eyo olukiiko lw’amaggye olwokuntikko lulagidde nti abasirikale bano tebalina kukozesebwa mu byabufuzi era oyo yenna anabakozesa bajja kubamuggyako. Ekiragiro kino kigenda n’eri abo abaagala okwesimbawo nga balina emmundu oba nga bakuumwa abalina emmundu.