Ababaka 186 bebatadde emikono ku kiteeso – Ssekikubo

Omubaka wa Lwemiyaga County, Theodore Ssekikubo avuddeyo nafulumya olukala lwa Disitulikiti 37 nga agamba nti Ababaka abava mu Disitulikiti ezo bagaana okuteeka omukono ku kiteeso ekiggya obwesige mu Bakamisona ba Palamenti obwesige.

Ssekkikubo ayongeddeko nti Ababaka abakiikirira Eggye lya UPDF mu Palamenti nabo bagaanye okuteeka omukono ku kiwandiiko kino nga kwekuli n’Ababaka abakiikirira abakadde so nga mu bakiikirira Abakozi, Omubaka Byakatonda Abdulhu, yeyakirizza okuteekako omukono.

Omubaka wa Lwemiyaga County Munnakibiina kya National Resistance Movement – NRM Theodore Ssekikubo avuddeyo nategeeza nti Ababaka 186 bebatadde omukono ku kiteeso ekiggya obwesige mu Bakamisona ba Palamenti 4 abagemulira akasiimo akawumbi 1 mu obukadde 700.