Abaana bagudde ku mmundu mu kasiko – Luweero

Abaana ababadde batwala ennyana ku ttale bagudde ku mmundu nga ekwekeddwa mu kasiko.

Emmundu eno esangiddwa ku Sande ku kyalo Bukuma ekisangibwa mu ggombolola  y’ e Luweero mu Disitulikiti y’e  Luweero nga kika kya AK47 era ebaddemu n’amasasi  29.

Aduumira Police mu Disitulikiti y’ e Luweero , Paul Wataka agamba nti abaana bano olulabye emmundu eno nebadduka za mbwa okutemya ku Police e Kasana era nayo neesitukiramu ng’eyatega ogwekyayi era bagenze okugigezesa nga ebadde ekozesebwa.

Kino okubaawo wabadde wayise nnaku bunaku nga abatamanyangamba balumbye omuserikale Jonh Sserwanga nebamunyagako emitwalo 820.000 ku mudumu gwemmundu.