Ekitongole ekivunaanyizibwa ku kusaasaanya amasannyalaze mu ggwanga ekya Yuganda Electricity Transmission Company Limited kisabye olukiiko olukulu olw’eggwanga lwanguyeeko etteeka ly’amasannyalaze osanga kino kinaayambako okukomya engeri abantu gyeboonoonamu ebintu ebikozesebwa okutuusa amasannyalaze mu bitundu by’egwanga eby’enjawulo.

Ssentebe w’ebitongole kino (UETCL) William Kiryahika yalabiseeeko mu maaso g’akakiiko ka Palamenti akavunaanyizibwa ku by’obugagga obwensibo n’alojja akawonvu n’akagga ku ebyo ekitongole byekiyitamu, nti abantu abamu bagufudde mugano okukkira ebintu byebakozesa nga batambuza amasannyalaze ne babyonoona.

Ng’ali mu kakiiko kano akakukirwa omubaka Alex Byarugaba era eno gyeyannyonnyoledde ebisinga ku ebyo omuli n’ekyebbeeyi y’amasannyalaze egyekanamye so nga wabaddewo omulimu amakulu ogukolebwa ogw’okuzimba zi Ddaamu omuli eya Isimba, Karuma ne Ayago esangibwa mu bitundu by’e Nwoya.