Akakiiko k’ebyokulonda aka Electoral Commission Uganda kavuddeyo nekategeeza nti empapula z’obuyigirize bwa Pulezidenti
Yoweri Kaguta Museveni zeyakozesa mu kwewandiisa mu 2016 zaali ‘certified’ nga tezetaaga kuddamu kukeberebwa mulundi mulala.
Ekitongole kibadde kyanukula Munnamateeka Muwada Nkunyingi eyavaayo nga 21-August-2020 bweyawandiikira akakiiko nga akasaba empapula z’obuyigirize Pulezidenti Museveni zeyakozesa okwewandiisa mu 2016.
Mulekwa Leonard, akola nga Ssaabawandiisi wa Electoral Commission agamba nti Empapula z’obuyigirize bwa Pulezidenti Museveni zikuumwa akawayiro 4 (15) aka Presidential Elections Act, 2005 (eryakolwamu enongosereza).
Eteeka ligamba nti okwewala okuteekawo okubuusa, singa eyesimbyewo abeera ne satifikeeti ya Siniya eyomukaaga mu Yuganda oba singa abeera n’ebiwandiiko ebisingako ebisabibwa nga yabifunira mu Yuganda oba eyali Yunivasite ya East Africa, Ekitongole kya National Council for Higher Education tekijja kwekeneenya biwandiiko bye.
Leave a Reply
You must be logged in to post a comment.