Aba UPDF bakubye abatuuze e Luweero

Abantu 9 n’abasirikale ba Uganda People’s Defense Forces (UPDF) 2 balumiziddwa mu kavuvungano akabaddewo e Mabuye mu Disitulikiti y’e Luweero.
Kigambibwa nti bano okulwanagana kyadiridde abatuuze okulowooza nti abasirikale ba UPDF ababadde mu kitundu kyabwe babadde babbi ba nte. Abatuuze ababadde babagalidde amajambiya balumbye abasirikale bano ababadde baleeteddwa mu nsozi okutendekebwa okuva mu nkambi y’amaggye e Nakasongola.
Abalumiziddwa kuliko Steven Kuteesa, Ssentebe wa LC 1, Allan Jjumba, Francois Makobero, Vincent Mukumbya, Steven Kiraga, Brian Ssemujju, Muhamadi Masolo, Ronald Kamoga ne Steven Katuluba.
Bo abasirikale ba UPDF abalumiziddwa baddusiddwa mu ddwaliro ly’amaggye e Nakasongola.
Kuteesa agamba nti abatuuze bamutegeezezza nti waliwo abasajja abalina emmundu abatambula ekiro ku kyalo nga balowoozebwa okubeera ababbi b’ente naye nasitukiramu n’abatuuze abalala okubalumba wabula oluvannyuma n’ebakizuula nti ba UPDF.
Ayongerako nti abasirikale babambudde engoye nebatandika okubakuba emiggo era nga babalese banyiga biwundu yadde nga babegayiridde babasonyiwe.