EKKOLERO LYA BA CHINA ERYA TIAN TANG GROUP OF COMPANIES LISANGIDDWA N’EBYUUMA BY’ENGUUDO Z’EGGAALI YOMUKKA EBBIBWA:
Ekitongole ekivunaanyizibwa ku by’eggaali y’omukka mu Ggwanga ekya Uganda Railways Corporation kitegeezezza nga bwekyakutte ttani 10,000 ez’ebyuuma byenguudo z’eggali y’omukka nga bino babikwatidde mu Kkolero lyaba China erya Tian Tang Group of Companies erisangibwa e Mbalala Mukono nga abantu 15 bebakwatiddwa okuva e Mbale ku nsonga.
Managing Director wa URC Stanely Ssendegeya agamba nti omuze guno gukolebwa abasinga nsimbi nga bagula ebyuuma bino okuva ku bantu ababibba. Ebyuuma bino ebimanyiddwa nga Railway Slippers ebibibbwa Stanely agamba nti byebiviiriddeko obubenje bw’eggaali y’omukka ensangi zino nga abazigoba baba tebategedde nti ebyuuma byabiddwa.
Stanely agamba nti ebyuuma ebyazuuliddwa ku Tian Tang bibalirirwamu obuwumbi 36.
Ye Financial Officer wa Tian Tang Group of Comapanies Alex yategeezezza nti Bannayuganda tebasaanye kulumwa mutwe olwebyuuma bino kuba Gavumenti ya China eteekateeka okubazimbira oluguudo lw’eggaali y’omukka oluli ku mulembe olusinga luno nga bwekoze mu nsi endala enti era ebyuuma bino bibaguzibwa bazadde baffe.