Kkooti y’eddaala erisooka e Kira yasindise ku alimanda ba Ddereeva ba Taxi ne ba kondakita abakwatiddwa mu kwekalakaasa okwabadde ku Siteegi ya Taxi e
Kyaliwajjala okwawaliriza Poliisi okukuba amasasi okukkakanya embeera.
Okulwanagana kuno okwabaddewo ku Mande wakati w’ebiwayi ebibiri okuli ekya Ssentebe wabavuzi ba Taxi mu Kyaliwajjala Julius Wasswa ow’ekibiina kya ”Bridge Union of Taxi Driver’s Association Namugongo Ltd” n’ekya ”Namugongo Kyaliwajjala Drivers and Conductor Co-operative Society Ltd” ekikulemberwa Morgan Kalungi. Obutakkaanaya buno buvudde ku Ssente za Siteegi ezisolozebwa nokuwakanya engeri Wasswa gyaddukanyamu emirimu okukakana nga balwanaganye poliisi n’ekwatako abavuzi ne ba kondakita 17 abagaliddwa ku kitebe kya poliisi e Kira gyebavudde okugenda mu kkooti.