Moses Ssimbwa avuddeyo neyetondera Pulezidenti Yoweri Kaguta Museveni olwakyayise okukonjera Gavumenti ye nti abakuuma ddembe baamutulugunya kyokka nga yali akozesebwa ab’oludda Oluvuganya Gavumenti.
Ssimbwa agamba bano baamulimbalimba nti bamutwala mu ddwaliro bamujjanjabe okugulu okumuluma nebamusuubiza ensi n’eggulu nga bamusaba agenda ku ttivi ez’enjawulo alumirize Gavumenti okumutulugunya ekintu naye kyeyakkiriza.
Wabula ono agamba nti amaze emyaka 3 nga yeekukumye okutuukiriza ebigendererwa by’aboludda oluvuganya Gavumenti wabula agenze okulaba ng’okugulu kuvunda kwekuvaayo yelwaneko. Ssimbwa era akikkaatirizza nti emmotoka ekika kya Drone abangi zebalumiriza okuwamba abantu zikozesebwa ba ludda luvuganya Gavumenti okuwambiramu abantu.
Leave a Reply
You must be logged in to post a comment.