Ssaabaminisita Robinah Nabbanja avuddeyo nalumiriza ab’oludda oluvuganya okutaataganya okuddamu okulonda Ssentebe mu Disitulikiti y’e Kayunga okugezaako okuwangula akalulu.
Ssaabaminisita Nabbanja yategeezezza abantu b’e Masindi nti ab’oludda oluvuganya Gavumenti batiisatiisa abalonzi ssaako okuteeka obululu obumaze okulondebwa mu bbokisi e Kayunga nti wabula era National Resistance Movement – NRM yabawangulirayo olwobuwagizi bwerina mu bantu b’e Kayunga.
Ono agamba nti abo bonna abamunenya okugenda okunoonya akululu e Kayunga banoonye kusaasirwa Bannayuganda.
Ayongerako nti abantu basaanye okuwa Gavumenti ekitiibwa wamu n’akakiiko k’ebyokulonda nategeeza nti singa baali babbye obululu lwaki gwebawangula owa National Unity Platform bamusingako obululu 450 bwokka!