Aba NRM abawangulwa batandise okutwala okwemulugunya kwabwe
Bannakibiina kya National Resistance Movement – NRM batandise okuvaayo okwemulugunya ku mivuyo egyetobese mu kamyuufu k’ekibiina mu bitundu eby’enjawulo ekyaviiriddeko nabamu okuluguluma obulamu.
Abavuddeyo kuli Lydia Wanyoto eyabadde avuganya ne Connie Galiwango Nakayenze ku kifo ky’omubaka omukyala ow’ekibuga Mbale nga nakati omuwanguzi tanalangirirwa. Ono agamba nti asazeewo okusula ku kitebe ky’ekibiina eky’ebyokulonda okutuusa nga bamubuulidde ekituufu lwaki tebanalangirira muwanguzi.
Ye Omubaka Muyanja Mbabaali naye agamba nti obubbi obwali mu kamyuufu ka Bukoto South tabulabangako so nga ne muganda w’omugenzi Cerenah Nebanda, nga e Florence Nebanda naye aleese okwemulugunya kwe okuva e Bulateka.
