Aba Democratic Party baagala Ssaabaduumizi wa Police General Kale Kayihura alekulire ate Palamenti eteekewo n'akakiiko akanoonyereza ku nneeyisa ya Police wamu n'ebitongole by'ebyokerinda ebirala.
Bw'abadde ayogerako ne Bannamawulire ku kitebe ky'ekibiina ku City House mu Kampala, Omwogezi wa DP Kenneth Paul Kakande ategeezezza nti Bannayuganda obulamu bwabwe buli mu matigga olw'okugugulana kw'abakulira eby'okwerinda mu ggwanga nga bbo bennyini beetonderawo abamenyi b'amateeka olw'ebigendererwa ebyabwe.
Kakande agamba nti obutali butebenkevu mu ggwanga omuli okutta abakyala okubaddewo mu Wakiso, ekitta abantu mu bbendobendo lya Masaka n'ebitundu by'eggwanga ebirala kyaliba nga ab'ebyokerinda babiri mu masekkati.
Leave a Reply
You must be logged in to post a comment.