5 bafiiridde mu nnyanja Nalubaale – Kalangala
Abantu bataano bafiiridde mu nnyanja Nalubaale oluvannyuma lw’eryato mwebabadde basaabalira eribadde liva e Kasekulo nga lidda mu mwalo gw’e Kamese mu ggombolola y’e Kacanga mu Kalangala okubbira.
Ayogerera Police mu Bendobendo lya Masaka Lameck Kigozi, agamba nti eryato lino libaddeko abantu musanvu ate nga litisse nnyo, likubiddwa omuyaga neribbira era okukkakkana nga abantu babiri bebasobodde okusimattuka amagombe ate abataano nebakkirira ewa Ssenkaaba nga mu bano mulimu Dallas Bwete, Ssenabulya, Ssemugera Charles, Keeya ne Buyita nga bonna babadde batuuze booku kyalo Kamese mu ggombolola y’e Kacanga mu Disitulikiti y’e Kalangala.
