Minisitule y’Ebyenjigiriza n’ebyemizannyo evuddeyo netegeeza nti erina obweralikirivu nti yandiremererwa okuteekesa mu nkola ekiteeso ekyayisibwa olukiiko lwa Baminisita ekyokusoma okwobuwaze eri buli mwana ate nga kwabwereere ku mutendera gwa Pulayimale ne Ssekendule oluvannyuma lwokusaba ensimbi obuwumbi 309.162 zebasaba obutateekebwa mu mbalirira y’ebyensimbi eyomwaka 2024/25
Olukiiko lwa Baminisita lwayisa ekiteeso kyokutandika okusoma okwobwereere okwa Pulayimale mu mwaka 2024/25 ate okwa ssekendule oluvannyuma lw’emyaka 2 mu mwaka gwa 2026/27.

Minisitule y’Ebyenjigiriza n’emizannyo yetaaga obwesedde 2 mu obuwumbi 100 okusasulako ekitundu ku nsimbi Uganda zirina okusasula ekibiina ekitwala omupiira ku lukalu lwa Afirika ekya Confederation of African Football – CAF okutegeka ekikopo kya AFCIN 2027, okutandika okuzimba ebisaawe 2 ebirala ebyetaagibwa wabula tewaliiwo nsimbi ku zino ziteekeddwa mu mbalirira y’omwaka gw’ebyensimbi 2024/25.

Minisita w’ebyobulamu Dr. Jane Ruth Aceng Ocero avuddeyo nategeeza Akakiiko ka Palamenti akavunaanyizibwa ku byobulamu nti Gavumenti ekyalemeddwa okufuna ky’ekolera Eddwaliro lya Gavumenti erya Arua nti kuba buli motoka agafemulago eriweebwa bwetagwa ku kabenje bagibba. Aceng ategeezezza nti emboozi ya Arua yanaku kuba emotoka emu eyabaweebwa yabbibwa, endala eyali yakabaweebwa nefuna akabenje mu October. Ono agamba nti UNHCR Uganda yabawa emotoka endala nti wabula nayo nefuna akabenje mu January. Ono agamba nti betaaga okutuula boogere n’abakulembeze mu Arua.

RCC wa Lubaga Burora Herbert Anderson avuddeyo ku kyokuwa abaaliko abakulembeze emotoka okuli; Ruhankana Rugunda, Amama Mbabazi ne Edward Ssekandi; “Lumu waliwo mukwano gwange eyampola ssente, wenali nina okuzimusasulira nankubira naŋŋamba; ‘Manyi kyoyitamu akaseera kano. Tomenyeka nnyo kutuuka kwekutulako ngalo ngonoonya ssente zange, wonozifunira ngonsasula.’ Nga Bakkaada abato, twakula abakulu abo batusomesa okubeera n’omutima gwe Ggwanga, abaguminkiriza era abalumirirwa ensi yaffe. Kano si kekaseera tusabe abaaliko abakulembeze okulaba nti; 1. Akaseera Uganda keyitamu kati si kalungi. 2. Omwooyo gw’Eggwanga gwebatuyigirizanga si kekaseera nabo bagweyambise balumirirwe Eggwanga. 3. Babeere baguminkiriza okutuusa nga ebyenfuna by’Eggwanga biteredde.”

Pulezidenti Yoweri Kaguta Museveni; “Natutte Maama Janet Kataaha Museveni tutambuleko mu maka gaffe e Rwakitura bwetwabadde tetunasimbula kudda Kampala. Wadde yawona COVID19, kiba kirungi atambuleko naddala okulinnya ku busozi kuba kiyamba okutambuza omukka ogwobulamu mu mubiri.”