Omubaka wa Makindye West Munnakibiina kya National Unity Platform Allan Ssewanyana olwaleero asisinkanye abamu ku bakulembera Abayisiraamu mu Makindye West neboogeramu ku nsonga z’ekitundu oluvannyuma nabawa ettu lya Idd El Adhuha. Ono era abeebazizza edduwa zaabwe zebaamuweereza nga ali mu kkomera wamu nokusabira obukulembeze bwe.

Abasirikale b’ekitongole kya Uganda Police Force ekirwanyisa obubbi obw’emmundu ekya Flying Squad bagamba nti ababbi abakwatiddwa olwokumenya nebayingira amaka ga Assistant Superintendent of Police Faridah Nampiima babategeezezza nti baali tebasuubira musirikale ali ku ddaala bwerityo butaba na ssente mu nnyumba. Bano bagamba nti bewuunya nnyo okusanga emitwalo 20 gyokka mu nnyumba.

Omumyuuka w’omwogezi wa Uganda Police Force Polly Namaye avuddeyo nategeeza nga bambega bayo olunaku olwaleero bwebakutte Munnansi wa China Yinghe Chen 43, nga mutuuze mu UCB Zone mu Bukoto 1, Nakawa Division mu Kampala.
Kino kyaddiridde okunoonyereza okwakoleddwa aba National Cyber TaskForce ku bigambibwa nti Kkampuni ya Acclaim BLQ Sports SMC, ne kkampuni endala 5 zeyali ekola nazo zabba abantu.
National Cyber Taskforce erimu ebitongole okuli; CID, Crime Intelligence (CI), ISO, ESO, CMI, Bank of Uganda, NIRA, NITA Uganda, Uganda Banker Association, n’ebirala. Kati abakakwatibwa ku bubbi obwakolebwa BLQ baweze 5.
Nga 11.05.2023, Poliisi yakwata Awori Mary, mukyala wa Yinghe Chen era nga yali omu ku ba Director ba Acclaim BLQ Sports SMC. Nga 12.06.2023, Poliisi yakwata Akoth Justine Oboth, Achola Mary, ne Biira Shamim. Bano batwalibwa mu Kkooti nebavunaanibwa.
Poliisi egamba nti kirowoozebwa nti BLQ yanyaga abantu abasoba mu 6000 nga bafiirwa obuwumbi obusoba mu 4. BLQ yali ekozesa ” You lose, You win” ekyasikiriza abantu okwenyigiramu.

Kitalo!
Abantu 3 bafiiriddewo mbulaga mu kabenje akagudde ku kyalo Butare mu Disitulikiti y’e Kabale bbaasi ya Kkampuni ya Simba nnamba KCG 888F ngeno ebadde eyolekera Nairobi – Kenya ngeva Kigali ne Mercedes Benz nnamba RAF 036T ngebadde eva ku Kisaawe Entebe ngeyolekera Kigali.
Akabenje kagudde ku luguudo lwa Katuna-Kabale-Mbarara.

Omuyizi Julius Isingoma okusimattuka abatujju ba ADF abalumbye ekisulo ky’abayizi mweyabadde alunyumya nga lutabaalo. Isingoma agamba nti yabadde Katonda eyamuyambye kuba yeesiize omusaayi gwa banne ku mimwa n’amatu awamu n’omutwe nga ayagala abatujju balowooze nti yabadde mufu era olw’ekisa kya Katonda akakodyo kano kakoze.