Sipiika wa Palamenti Anita Among avuddeyo neyeyama okusasula obukadde 12 mu emitwalo 70 okuyamba kukuzza omubiri gwa Ludia Aliba, omukozi wawaka eyafiira mu Ggwanga lya Saudi Arabia ku ntandikwa yomwezi guno. Ensonga eno etwaliddwa ewa Sipiika Omubakawa Kayunga omukyala Ida Erios Nantaba.

Uganda Police Force e Kyegegwa etandise okunoonyereza ku ssemaka, Innocent Kibwetere eyasse mukazi we kubigambibwa nti abadde akozesa enkola yakizaala ggumba. Kigambibwa ono oluvannyuma lw’okukizuula obusungu bwamutikka naakuba mukyala we Ronious Twikirize akabalangulo ku mutwe omulambo gwe naagubika mu buliri okumala ennaku 4. Oluvannyuma lwe bbanga lino ono yayita mulamu naamutegeeza nga bweyasse muganda we bwebafunyemu obutakkanya nga abafumbo. Ono yakebereddwa nekizuuka nti mulamu era omutwe gukola bulungi

Manchester United evuddeyo netegeeza nga bwesazizzaamu endagaano ne Cristiano Ronaldo mbagirawo. Man U egamba nti batuuse kunzikiriziganya era kkiraabu nemwebaza byagikoledde.

Abasuubuzi mu Kibuga Hoima ku Kabalega House ku luguudo lwa Hoima – Butiaba gebakaaba gebakomba oluvannyuma lwomuliro okukwata amaduuka gaabwe olunaku lweggulo ku makya.

Waliwo abazigu abalumbye poliisi ye Nakulabye mu Kampala ku ssaawa nga 10 ez’ekiro ekikeesezza olwaleero wabula abaserikale babalabuukiridde mangu nebabaanukuza n’amasasi era okukakkana nga babasuuzizza ‘magazine’ ya masasi. Okwawukanako n’obulumbganyi obuze bukolebwa ku Uganda Police Force endala tewali muserikale wadde omuntu wabulijjo atiddwa wadde okukosebwa.

Pulezidenti Yoweri Kaguta Museveni enkya yaleero asitudde okwolekera eggwanga lya Socialist Republic of Vietnam gyagenze ku bugenyi obutongole. Eno wakusisinkana Pulezidenti Nguyễn Xuân Phúc bateeke omukono ku ndagaano yenkolagana wakati w’amawanga gombi.

“Ntuuse bulungi e Hanoi, mu Vietnam okwetaba okusisinkana Pulezidenti Nguyen Xuan Phuc.”