Abatuuze bo mu Kawempe Mbogo mu Gombolola y’e Kawempe bavudde mu mbeera lwa kivundu kyakasasiro ekisusse. Abatuuze bano nga bakulembeddwamu Kansala waabwe ow’ekitundu Ssenono Danes basaasanyizza kasasiro mukubo nga bekalakaasa olw’ekitongole kya Kampala Capital City Authority – KCCA olwokwesulirayo ogwanagamba obutabayolamu kasasiro, bano bagamba KCCA ebasolozaamu emisolo mingi naye nga obuweereza tewali.

Loodi Meeya wa Kampala Ssaalongo Erias Lukwago alonze Doreen Nyanjura nga omumyuuka wa Meeya ku kisanja ekirala. Lukwago ayanjulidde Nyanjura eri ba Kansala okumuyisa.

Pulezidenti Yoweri Kaguta Museveni wamu ne munne owa Democratic Republic of the Congo Félix Antoine Tshisekedi bagenda kutema evvuunike ku lutindo lw’e Mpondwe e Kasese ery’oluguudo olugenda okuzimbibwa okutumbula eby’entambula wakati wa DRC ne Uganda.

Akakiiko ka Uganda Police Force akakwasisa empisa mu Disitulikiti y’e Mityana katandise okuwozesa omusirikale wa Poliisi Sgt. Omara Sam eyakwatibwa ku katambi nga ali mu Yunifoomu ya Poliisi ngatamidde akasaasanyizibwa ku Social Media.