Okuwulira okusaba kwa Gen Henry Tumukunde okufuna ‘bail’ kuwedde nga abadde abadde ku vidiyo mukomera e Luzira.
Omulamuzi wa Kkooti Enkulu Justice Kwesiga agaanye okusaba kwe nga agamba nti mu kiseera kino eggwanga liri ku ‘Lockdown’ olwa ekirwadde kya #COVID19 wam n’okulemererwa okuleeta abamweyimirira nga Basirikale baggye lya Uganda Peoples’ Defence Forces – UPDF abali waggulu w’ejjinja lya Gen. Tumukunde nga bakyali mu maggye wamu n’ebbaluwa ebanjula eri ekkooti okuva ewa Chief of Defense Forces.

Abatuuze ku kyalo Buwonzi mu Disitulikiti y’e Wakiso bavuddeyo nebemulugunya ku Ssentebe waabwe Abdul Katende nti asusse okubatulugunya nabatuusaako n’ebisago nga agamba nti ateekesa biragiro bya Pulezidenti Yoweri Kaguta Museveni. Bangi banyiga biwundu nga n’omutemampola gubakalakata.

Uganda Police Force e Iganga nga eri wamu ne n’Omumyuka wa RDC mu Disitulikiti y’e Iganga Omw.Gad Rugaju Ahimbisibwe bakutte Ddereeva w’Emotoka ya Gavumenti esaabaza ‘sample’ #COVID-19 nga abadde azijja mu Ankole Region nga azitwala Ntebe ku Uganda Virus Research Institute wabula nasalawo kugenda nazo ku mukolo gw’okwanjula e Iganga. Osama Majidu Ngobi nga avuga motoka ekika kya Double Cabin Silver nnamba UBF 877Y ye yasazeewo okutikka ab’enganda ze abawerako nebagenda ku kyalo Buwongo mu Ggombolola y’e Nakalama e Iganda ku mukolo gw’okwanjula.
Ku mukolo lwasangiddwako Abantu 30 nga nakyo kimenya mateeka era 14 ku bbo bakwatiddwa.

Ekitongole ekivunaanyizibwa ku kusolooza omusolo mu Ggwanga ekya Uganda Revenue Authority (URA) kyaboye emotoka y’omuyimbi Jose Chameleone oluvannyuma lwakavuvungano akabaddewo ku Paaskika e Mengo nga bamusaba empapula zaayo.

Ebitongole by’ebyokwerinda ettuntu lyaleero lisse ababbi babiri ababadde batigomya Mutundwe mu Rubaga Division mu Kampala. Bano bebamu ku kibinja ky’ababbi 10 ababadde bazimba ekiyumba mu lutobazi olusangibwa mu Mirembe Zone wansi wa Ppaaka y’e Nateete nga ekifo babadde bakituuma ‘Jungle’ nga bbo beyita ‘Jungle Gang’.
Nga kigambibwa wano webabadde bava okutigomya Abantu.
Leero babadde bava kubba, Abantu kwekutemyako Poliisi nebagoba kwekuttako babiri abalala abasuubirwa okuba nga balumiziddwa badduse nebabulira mu kisenyi.
Ababiri bategeerekese ng’omu ye Bonny ate omulala Kizza nga.
Munnyumba yaabwe musangiddwamu, laptops, hard discs, Go TV decorders, ejjambiya wamu n’enjaga.
Omuyiggo gwabalala gugenda mu maaso era Uganda Police Force esaba Abantu nti bwebalaba Omuntu yenna n’ebiwundu by’amasasi batemye ku Poliisi mangu ddala.

Omusirikale w’eggye lya Uganda Peoples’ Defence Forces – UPDF Pte Niwanyine Alex eyalumbibwa e Bibia mu Disitulikiti y’e Amuru nakubwa eriiso nerivaamu bweyali agezaako okuteekesa ebiragiro bya Pulezidenti Yoweri Kaguta Museveni nkola eby’okulwanyisa ekirwadde kya #COVID-19 agiddwayo mu Ddwaliro e Gulu naleetebwa mu Ddwaliro ly’amaggye erya Mbuya General Military Hospital okwongera okuweebwa obujanjabi.

Leero ge mazaalibwa ga Ssaabasajja Kabaka Ronald Muwenda Mutebi II ag’e 65. Twebaza Katonda olw’ekirabo ky’obulamu nakutukuumira okutuuka olwaleero. Tusaba Omutonzi akuwangaaze osigale nga olamula Obuganda.
#KabakaWange

Kitalo!

Omuyimbi Munnansi wa Burundi Niyomwungere Leonard yafudde oluvannyuma lw’okukwatibwa ekirwadde kya #COVID-19. Ku lunaku olw’okutaano Minisita W’ebyobulamu Dr Thaddee Ndikumana yavaayo nategeeza nga abantu abalala babiri bwebaali bazuuliddwa n’ekirwadde kino nga Niyomwungere yali omu ku bbo.Ono yagibwa mu ddwaliro ly’e Kira natwalibwa e Bujumbura.Ono abadde tatambulangako kufuluma ggwanga mu budde buno nga kitegeeza obulwadde yabufunira mu Ggwanga.Rapid Intervention Team yatuuse mu kitundu nekebera abantu 26 bayaliko nabo era 3 ku bbo nebasangibwa n’obulwadde buno.

Ssaabaminisita wa Bungereza Boris Johnson asiibuddwa okuva mu Ddwaliro lya St. Thomas gy’abadde nga ekirwadde kya #COVID-19 kimubala embiriizi. Ono addiziddwa awaka gyagenda okuba nga alondoolwa okutuusa webanakakasizza ddala nti ateredde era nga siwakudda ku mirimu mu bwangu.