Nannyni kibanda kya motoka ekya Pine Muhammad Ssebuwufu wamu ne banne 7 abasaliddwa emyaka 40 olwokutta n’emirala 20 olw’okuwamba Doha Katushabe bavuddeyo nebateekayo okujjulira kwabwe mu kkooti enkulu nga bagamba nti ekibonerezo ekiwabweereddwa Omulamuzi Flavia Anglin Ssenoga bwekiri ekiambwe ennyo.
Bano basingisiddwa omusango gw’okutta Donah olw’ebbanja lya bukadde 9.

Ab’ebyokwerinda bazeemu nebakwata abantu 3 abateeberezebwa okuba nga bebatta eyali omwogezi wa Poliisi Assistant Inspector General of Police, Andrew Felix Kaweesi.
Abazeemu okukwatibwa kuliko; Abdul Majid Ali Mugoya Byantuyo, nga mutembeeyi wa bizigo n’eddagala ly’ekinnansi, nga mutuuze w’e Nakalama mu Disitulikiti y’e Iganga, Dhikusooka Faisal Hibwagi Sinani alias Farouk, mulimi nga mutuuze mu Disitulikiti y’e Butaleja ne Abdul Kaala Tigasitwa alias Ibrahim Chris Kato Ibra, omusiisi wa chapatti e Bwaise, mu Kampala.
Munnamateeka wabano Anthony Wameli yeyategeezezza omulamuzi w’eddaala erisooka owa Kkooti ya Nakawa Posiano Odwori, olunaku lw’eggulo.
Wameli yetegeezezza Kkooti yafuna essimu eyamukubira okuva mu bantu bakiikirira enaku bbiri eziyise nga bamutegeeza bwebaali bazeemu okukwatibwa ab’ebyokwerinda nga babakuumira ku kitebe kya Special Investigations Unit e Kireka, mu Kampala.
Okusinziira ku Wameli, agamba nti Munnamateeka munne Geoffrey Turyamusiima yagezaako okubakyalira wabula ne bamulemesa.
Wabula ye Omwogezi w’ekitongole kya Poliisi ekikola kukunoonyereza ekya Criminal Investigations Department Charles Mansio Twine yegaanye okubaako kyamanyi kukukwatibwa kwabano era nategeeza nga bwebatalina ‘File’ zaabwe era nga tebabalina mu kaduukulu ka Poliisi konna.

Andrew M. Mwenda yavuddeyo ku mukutu gwa Twitter nakozesa ekifaananyi kya Pulezidenti Museveni ekikadde bweyasanga abaana nga basamba omupiira naye nabeyunguka nga alaga nga ekyajjo; “Okunoonya akalulu aka 2021 kuli mu giya! Pulezidenti Yoweri Kaguta Museveni olwaleero bwabadde agenda mu Makindye East asanze abaana nga basamba omupiira natandika okuzannya nabo. Katusuubire nti ne Bobi Wine akirize ategekeyo ebivvulu ku nguudo eby’obwereere, ekyo kijja kuba kyakyenkani”

Abantu ba Ssaabasajja Kabaka okuva mu Gombolola ez’enjawulo ezikola essaza lye Kyaddondo ne Kyaggwe, bakiise embuga mu nkola ya Luwalo Lwaffe nebagula satifikeeti za bukadde obuweredde ddala asatu mu busatu (33m).

Amagombolola agakiise kuliko;
Ssaabaddu Kira 8,370,000
Ssaabagabo Lufuka. 14,185000
Mutuba II Nabweru 2, 8950,00
Mutuba IX Goma 6,290,000
Mutuba III Kyampisi 1,600,000

Guest Relations

Tamale Mirundi mutabani w’Omwami Yowaana Mirundi ne Mukyala Molly Namatovu kyaddaaki ekitabo kye yatusuubiza ekya Banya…. akifulumizza.

Inspector General of Police, Martins Okoth-Ochola, olunaku lweggulo kyamuweddeko bweyalabye omusirikale wa Poliisi Assistant Superintendent of Police Alexander Niwagaba gyeyabadde alowooza nti ali mu komera olw’okubba ebizibiti nga azze mu lusirika lwa ba CID.

Ochola eyabadde ayogerako eri ba CID kubikwatagana n’empisa n’obwesimbu, nayogera ku linnya OC CID owa Disitulikiti y’e Kiruhura nga amujurizaako nti yakwatibwa era nasibibwa ku bikwatagana n’okubba ebizibiti wabula nebamutegeeza nti oyo naye yabadde mu lusirika luno lwennyini.

Yabuuzizza oba waali ayimirire, omusirikale kyeyakoze, IGP kwekumutegeeza nti yabadde tamusuubira kubeerawo mu lusirika olwo. Yamubuuzizza ani yamuyimbula mu kaduukulu nti era oba nga yateebwa ku Police Bond.

IGP yalagidde omusirikale ono aweebwe akazindaalo ategeeze banne kyeyakola ekyamutuusa okukwatibwa.

Omusirikale yategeezezza nti yakola ensobi mu musango ogumu natawaayo bizibiti ebyali byakwatibwa Poliisi ku musango ogwagobwa kkooti.

Ono yali yakwatibwa ku bigambibwa nti yatunda ente ezaali ku Poliisi ye nga ebizibiti era ensimbi zino nazikozesa ebibye.
Wano IGP yakyuukidde alondoola emirimu gy’aba CID mu bbendobendo ly’e Rwizi, Regional Criminal Investigations Commander namusaba amunnyonyole engeri ono gyeyazeemu mu lusirika luno so nga ate akyavunaanibwa.