Ekitongole ekivunaanyizibwa ku kibuga Kampala ekya Kampala Capital City Authority kifulumizza ebiragiro ebipya ku batembeeyi nga kati bakwambala amataawo ag’enjawulo nga gajja kusinziira ku Divizoni zebavaamu.
Henry Bukenya nga ye ‘Commercial Manager’ mu KCCA agamba nti abava mu Central bakwambalanga amataawo ga Green, ab’e Nakawa ga Blue, Lubaga ga Orange, Kawempe ga Red ne Makindye ga Yellow.

Kitalo!
Owa Mobile Money omulala atiddwa mu bukambwe e Mukono. Rebecca Namugaanyi 22, nga nzaalwa y’e Ngogwe mu Disitulikiti y’e Buikwe nga abadde akolera ku kyalo Kapeke, mu Gobolola y’e Nama mu Disitulikiti y’e Mukono yeyatiddwa.
Abamusse bamusaze obulago, omulambo gwe nebaguleka mu nnyumba gyabadde ampangisa. Baliraanwa ba Namugaanyi bagamba nti ono yafuna omugenyi omusajja ku bbalaza era nga bamala akabanga akawerako naye mu dduuka lye erya Mobile Money, Alice Nakku omu ku baliraanwa ba Namugaanyi agamba nti omugenyi basuubira nti yali muganzi we.
Kigambibwa nti obudde bwebwaziba, Namugaanyi n’omugenyi we nebaggalawo edduuka nebagenda okwebaka wabula kyabewuunyisizza ate ku makya okumusanga nga bamusaze obulago.

Katikkiro ayanjulidde Obuganda Ssenkulu wa Uganda Breweries Ltd omuggya, Alvin Mbugua. Ono azze mu bigere bya Mark Ociti eyawummude. Uganda Breweries ye kampuni ensogozi y’omwenge gw’obwakaba ‘Ngule’. Katikkiro asuubizza Mbugua enkolagana ennungi enaaganyula abantu ba Kabaka.