Police enkya ya leero ekedde kulwanagana n’abasuubuzi boomu katale k’e Nateete nga beekalakaasa okulaga obutali bumativu bwabwe olw’eteekateeka ewomeddwamu omutwe ab’ekitongole kya KCCA okutunda akatale kaabwe kaguzibwe Kkampuni ey’obwannannyini.

Abantu bano bakutte eby’amaguzi byabwe nebatanula okubitundira mu kkubo ekiwalirizza Police okujja okubasindiikiriza era n’ewunzika ng’ebakubyemu omukka ogubalagala okusobola okubakkakkanya.

Bo abasuubuzi bagamba nti ab’ekitongole kya KCCA nga bakulembeddwamu nankulu wa Kampala Jennipher Musisi bagamba nti akatale kano tebakamanyi,  ate bbo abasuubuzi bagamba nti oba tebakamanyi lwaki bazze babasoloozaamu ensimbi.

Akatale k’e Nateete kasangibwa mu ggombolola y’e Lubaga mu Disitulikiti y’e Kampala.

Omugoba wa Takisi nnamba UAW 346T atannategeerekeka mannya asimattuse okugajambulwa wadde akubiddwamu abantu ababadde beesomye ku Kalerwe oluvannyuma lw’okutomera ow’akagaali n’ayisibwa bubi nnyooo.

Abeerabiddeko n’agaabwe bagamba nti omugoba ono abadde avuga ndiima emmotoka n’eremererwa okusiba okukakkana ng’asaabadde ow’akagaali  era addusiddwa mu ddwaliro e Mulago nga biwala ttaka. Ye owa Takisi yeesimattudde ku bantu ababadde beesomye nga batandise okumukuba n’assaako kakokola tondeka nnyuma.

As the Judges’ and Magistrates’ Strike against low salaries springs  into day 2 across the country, Justices at the a court of Appeal are conducting business of hearing cases.

At this juncture , a panel of three justices including  the DCJ Steven Kavuma, Hellen Obura and Cheborion Barishaki are hearing an  appeal filed by the Lubaga South MP Paul  Kato Lubwama challenging a Highcourt decision for a voter to file an election  petition against him outside the mandated period.

However in other courts such as the Highcourt, Commercial Court, Buganda Road court and the Anti-corruption court, business is at a stand still as judges and magistrates have not reported on duty to convene court hence leaving no choice for  prison authorities but  to drive suspects back on remand whereas the summoned witnesses have  had their transport refunded by the registry  without testifying.

The clerks are however seated in their respective registries and normal business of litigants filing civil cases in on course.

On Friday last week, judicial officers across the country resolved to lay down their tools protesting low salaries that are way below the scale compared to their counter parts in the other two arms of government on top of demanding for transport , medical and housing allowances.

Accoridng to their top executive body Uganda Judicial Officers Association (UJOA), the industrial action is indefinite until  they recieve a written commitment from government to address their  demands.

However the Judicial Service commission has since called a meeting this afternoon to engage the top executive members of  UJOA for a way forward.

Entiisa ebuutikidde abatuuze ku kyalo ekimu mu Disitulikiti y’e Kayunga omuvuka wa myaka 19 abadde  ku kimotoka ky’ebikajjo waggulu bw’akubiddwa ettabi ly’omuti erisala mu kkubo n’akalirawo.

Omusasi waffe Kato Vincent e Kayunga atutegeezezza nti omuvubuka ono ettabi limunyigidde ku mmotoka n’afiirawo mbulaga. 

Police y’e Lugazi eriko abantu bana nga mulimu n’omukazi begombyemu obwala abagambibwa okunyaga waya n’ebyuma by’amasannyalaze ebigatwala ku muliraano e Kenya.

Omu ku beerabiddeko n’agaabwe, Mpiima Livingstone e Lugazi agamba nti abantu bano bakwatiddwa lubona ne waya zino era kati wetwogerera batemeza mabega wa mitayimbwa.

Ab’obuyinza mu Munisipaali y’e Masaka batadde akazito ku basuubuzi abagikakkalabiza mu kitundu kino okuwangayo olunaku lumu mu wiiki nga lwakukola Bulungibwansi ‘okusobola okwegobako kasasiro n’obukyafu obufumbekedde mu Munisipaali eno.

Abatwala Munisipaali eno  baagala amaduuka gaggalwe okumala essaawa ssatu buli lwakusatu olusemba mu mwezi nga Bulungibwansi agenda mu maaso era Town Clerk w’ekibuga Masaka, Paul Omoko agamba nti obukiiko bwa Divizoni essatu ezikola Munisipaali ya Masaka bwasazeewo bateekewo olunaku oluyitibwa Masaka Sanitation Day mwebagenda okuyita okuba n’ekibuga ekiyonjo

Akeediimo k’abalamuzi katandise olwaleero wonna mu ggwanga nga batadde ebikola wansi oluvannyuma lw’ennaku 30 okuggwako zebaawa Gavumenti okubongeza omusaala. 

Pulezidenti w’ekibiina omwegattira abalamuzi ekya Uganda Judicial Officers Association (UJOA), His Worship Godfrey Kaweesa agamba nti abalamuzi basasulwa omusaala mutono nnyo ate nga n’ebikozesebwa  ebirala nga emmotoka nabyo bya kusimbira kaggo.

Wabula ye ayogerera ekitongole ekiramuzi Solomon Mwita agamba nti bakola kyonna ekisoboka okulaba nga abalamuzi baddamu okukakkalabya emirimu.

Akakiiko k’ebyokulonda kafulumizza enteekateeka z’okulonda kw’obukiiko bw’ebyalo wonna mu ggwanga era kugenda kubeerayo nga 21 Museenene omwaka guno era kwakusimba mu mugongo .

Ssentebe w’akakiiko k’ebyokulonda mu ggwanga, Omulamuzi Simon Byabakama bwabadde alangirira enteekateeka eno leero mu Kalasamayanzi ku kitebe ky’akakiiko k’ebyokulonda mu Kampala, agambye nti tebagenda kwetaaga buyigirize bwonna wadde omunwe gw’ensimbi n’ogumu era tekugenda kubaako kkomo lya myaka eri ano abaagala okwesimbawo. 

Byabakama era agamba nti okulonda kugenda kutwala eddakiika asatu gokka ng’abantu basimba mu mugongo gw’oyo gwebawagira, wabula abo abanaatuuka nga okubala kutandise tebagenda kulonda.

Ssentebe mu mbeera y’emu n’ategeeza nti okulonda kugenda kuba kwa ba Ssentebe bokka era anaaba awangudde y’agenda okwelondera ab’akakiiko ke wabula nga baakukakasibwa abatuuze.  

Nabbambula w’omuliro akutte enkambi ya Police ey’e Katwe mu ggombolola y’e Makindye enkya ya leero n’ayokya ebisulo by’abaserikale obuyumba obuwerera ddala kkumi. 

Ayogerera ekitongole kya Police ekizikiza omuliro, ASP Agaba Collin agamba anti ekiviiriddeko omuliro guno nabuli kati tekinnategeerekeka wabula basindiseeyo abakugu okunoonyereza ku kiki ddala ekiviiriddeko omuliro. 

Agaba agamba nti basobodde okukozesa obwangu nebazikiza omuliro guno nebasobola okugutangira okukwata obuyumba obulala ate ne yafeesi za Police. 

Wabula ate ekyewuunyisa abaserikale ku Police eno bwebalabye bannamawulire ababadde bagenze okukwata amawulire gano, nabatanula okubakasukira amayinja okutangira emirimu gyabwe !