Besigye yalemererwa okulaga obukakafu nti ssente zaava mu State House – Dr. Nabwiso

Dr. Frank Nabwiso avuddeyo nanenya Ssaabawandiisi wa Forum for Democratic Change Nathan Nandala – Mafabi okutwala ssente z’ekibiina naaziteresa Kizza Besigye ng’alinga agamba nti omuwanika w’ekibiina taliiwo kyavumiridde nti kyali kikyamu. Nabwiso ayongerako nti; “Dr. Kizza Besigye yalemererwa okutulaga obukakafu okutumatiza nti ddala ssente zaava mu State House. Kituufu Hon. Patrick Oboi Amuriat yakiriza nti yafuna ssente obukadde 280 okuva ewa Nathan Nandala – Mafabi okuzeyambisa mukunoonya akalulu k’obwa Pulezidenti. Mafabi yakirizibwa okwewolera ekibiina ssente era nakituukiriza. Kituufu nti ssente Nathan Nandala – Mafabi zeyatwalira Dr. Kizza Besigye si ze ssente zezimu Besigye zeyadduza Forum for Democratic Change – FDC.” Dr. Frank Nabwiso asabye Dr. Kizza Besigye okwewala okukozesebwa ekinaaletera erinya lye lyeyazimba okwononeka saako nebyo byeyakakolera ekibiina kya Forum for Democratic Change – FDC.