Obulamu bw’abantu abasukka mu kikumi abaagobwa ku ttaka nebagumba ku yafeesi y’omubaka wa Pulezidenti e Mubende ssabbiiti nnamba eyise, buli mu matigga mu kiseera kino olw’okusula ebweru wamu n’okubulwa ekyokulya.
Abantu bano abakulemeberwamu Ngabirano John, Sarah Tumuhayise ne Muhumuza Amos, baagumba ku yafeesi y’omubaka wa Pulezidenti e Mubende nga baagala abafunire awookwegeka oluba awamu n’ekyokuzza eri omumwa, nga bagamba nti baali bagobwa okuva ku ttaka ly’ebibira erya Kayebe erisangibwa mu ggombolola y’e Kitenga e Mubende.
Omubaka wa Gavumenti e Mubende, Florence Beyunga, oluvannyuma lw’okubasisinkana, yabalagira okwamuka woofiisize mu bunnambiro era n’alagira Police n’ebagoba era bwebatyo nebagumba mu kibangirizi ekyali eky’ekitongole ky’ebyenguudo ekya UNRA era nakati mwebakyali .
Ngabirano John ategeezezza Luboggola Simba nti bakungubagidde essabbiiti nnamba basula mu mpewo n’abaana baabwe era nga tebalina na kyakulya nga kino kiyinza okubaviirako okufa
enjala.