Latest News

Omubaka Winnie Kiiza awagira eky’abasawo okwediima


Akulira oludda oluvuganya Gavumenti mu Palamenti, Winnifred Kiiza awagira eky'abasawo okwediima nga agamba nti kikyamu nnyo Gavumenti okukaka abasawo okudda ku mirimu nga tebawadde bikozesebwa omuli eddagala, ggilaavuzi n'ebintu ebirala.

Kiiza bw'abadde ayogerako mu lukungaana lwa Bannamawulire nga asinziira ku Palamenti ategeezezza nti Gavumenti erina okusooka okunoonya ebikozesebwa mu malwaliro wamu n'okwongeza abasawo omusaala olwo abasawo balyoke baddeyo ku mirimu.

Omubaka alaze obwennyamivu olw'okuba nti Gavumentu bweyali esoma embalirira y'eggwanga,  yateeka ssente kumpi obuse bubiri ku by'obulamu wabula ate abasawo bagenda mu maaso n'okwekalakaasa era wano n'asaba Gavumenti eby'obulamu ebiteeke ku mwanjo nnyo mu kifo ky'ebyobufuzi n'anguudo nga eno bannansi batondoka .