Latest News

Kavumba awuumye mu Kiggunda Ky’omwaka 1900


Kyabadde kijjobi era ekyepukulu ekyaleka emmese obuwuulu nga nasinsi w’omuntu akungaanidde mu Kiggunda Ky’omwaka e Kavumba mu Las Vegas mu Disitulikiti y’e Wakiso okujagulizaako Simba ng’eweza emyaka 19 nga eyuuguumya amayengo g’empewo. 

Namungi w’omuntu w’abawagizi ba Simba okuva mu bintundu by’eggwanga eby’enjawulo,  Abayimbi enjolo omwabade : Bobi Wine,  Rema Namakula,  Gravity Omutujju,  Mathias Walukaga,  Sophie Nantongo,  New Eagles,  Desire Luzinda,  Winnie Nuagi,  Irene Ntale, Irene Namubiru,  Willy Mukaabya, Gerald Kiweewa,  Daxx Katel, De n’abalala nfaafa, Bannakatemba wamu n’abakozi ba Luboggola Simba bonna beetabye wamu okubinuka amasejjere. Abantu baalidde,  baanywedde beetiiyudde wamu n’okutiiruula mpaka kkejenge nga era engombo y’e Kiggunda Ky’omwaka guno bwebadde. Yogaayoga Simba!!